Bydd ein ffrind Wayne Erasmus yn sefyll fel ymgeisydd Gwlad yn y ddwy etholiad yn Llangennech ar 7 Awst.
Bydd un etholiad ar gyfer Cyngor Sir Gaerfyrddin, ac un arall ar gyfer Cyngor Cymuned Llangennech.
Felly bydd gennych DDAU bleidlais dros Wayne!
Rydyn ni’n gwybod y byddai Wayne yn gwerthfawrogi unrhyw gymorth allwch chi ei roi i’w ymgyrch – boed hynny’n dosbarthu taflenni, rhoi posteri i fyny, neu helpu pleidleiswyr (pleidleiswyr Gwlad yn unig!) i gyrraedd y gorsafoedd pleidleisio.
Os allwch chi estyn llaw, anfonwch e-bost at: wayne.erasmus@gwlad.org
Dyma ychydig amdan Wayne, yng ngeirau ef ei hun:
“Dyma ychydig bach amdanaf i, a pham dw i’n meddwl y dylet ti bleidleisio drosta i yn etholiadau Llangennech (cynghorau sir a chymuned) ar 7 Awst.
Bues i’n hwylio fel Prif Beiriannydd yn y Llynges Fasnachol. Dw i’n siarad Cymraeg o’r crud ac wedi byw yn Hendy ers 1986.
Ers ymddeol yn 2014, dw i wedi bod yn rhedeg nifer o elusennau lleol a banciau bwyd. Ymhlith pethau eraill, ces i ran flaenllaw mewn ymgyrch lwyddiannus i atal cynnydd yn y ffioedd caeau yn Uwch Gynghrair Sir Gâr – cynnydd a fyddai wedi bod yn ddiwedd ar chwaraeon llawr gwlad y cymuned. Roeddwn i’n un o aelodau sefydlu Clwb Pêl-droed Iau Hendy, ac roedd nifer o’r bechgyn yn dod o Llangennech.
Dw i’n mwynhau eiliad dawel yn y Morlais (Smiths) yn Llangennech.
Mae’n rhaid i mi dalu teyrnged i’r diweddar Gary Jones, a helpodd fi pan oedd y banc bwyd yn y Farmers yn Llangennech
Serch hynny, mae Llafur a Phlaid Cymru wedi siomi Llangennech a Chymru – gyda’r gwasanaethau wedi’u torri yn Ysbyty’r Tywysog Philip, gofal gan y cyngor, y ffiasgo 20mya, ac yn lleol – gwerthu’r RN.
Mae Cyngor Sir Gaerfyrddin mewn dyled ddofn oherwydd camreolaeth Plaid Cymru.
Mae angen mwy o onestrwydd a thryloywder yn ffordd gwaith Cyngor Sir Caerfyrddin, ac yn y ffordd mae’n cyfathrebu gyda’r etholwyr.
Dim ond un blaid sy’n rhoi Cymru’n gyntaf, a dyna yw Gwlad – ac mae’n fraint gen i sefyll dros Gwlad yn etholiadau Llangennech ar 7 Awst.
Rhagor amdanaf i a Gwlad dros yr wythnosau nesa!”
Cefnogwch Wayne trwy ei tudalen ymgyrch ar Facebook: