Y Cynghorydd Gwyn Wigley Evans, arweinydd y blaid, ac Anthony Cook, ein hymgeisydd yn is-etholiad Caerffili sydd ar ddod, a lansiodd Faniffesto Gwlad 2026 ddydd Sadwrn diwethaf

Wrth siarad â aelodau’r blaid a chefnogwyr mewn digwyddiad a gynhaliwyd yng Nghanolfan y Glowyr, Caerffili, bu’r ddau yn trafod sut y mae Cymru entrepreneuraidd, obeithiol a gweithgar wedi cael ei hatal am rhy hir gan lywodraethau yn Llundain ac ym Mae Caerdydd

Pwysleisiodd Gwyn Wigley Evans fod y llywodraeth a’r dylanwad o Lundain yn brif achos llawer o broblemau Cymru. Ychwanegodd, fodd bynnag, fod 25 mlynedd o reolaeth Lafur o Fae Caerdydd, wedi ei chefnogi’n aml gan Blaid Cymru, wedi gwneud ychydig iawn i wneud y gorau o’r pwerau sydd wedi’u datganoli i Gymru

Mae Gwlad yn credu’n gryf mai trwsio economi Cymru yw’r allwedd i ddatrys llawer o broblemau ein cenedl. Byddai economi gryfach yn galluogi Cymru hyderus, flaengar i fod yn barod – ac yn rhydd – i gymryd ei lle ar lwyfan y byd, fel y mae llawer o genhedloedd bychain eraill eisoes wedi gwneud

Wrth edrych ar rai manylion y Faniffesto, eglurodd Cyfarwyddwr Polisi Gwlad, Stephen Morris, ei fod yn canolbwyntio ar “y pethau pwysig y gallwn ni yng Nghymru wneud rhywbeth amdanynt mewn gwirionedd.”

Gan ailadrodd mai prif ffocws Gwlad yw trwsio economi Cymru, cyhoeddodd Stephen bolisïau i annog buddsoddiad preifat mewn busnesau Cymreig, megis:

• dileu’r band treth 45% ar gyfer enillwyr uchel

• estyn allan at bobl Gymreig gyfoethog a llwyddiannus sy’n byw y tu allan i Gymru. Mae llawer ohonynt wedi dangos brwdfrydedd dros fuddsoddi mewn busnesau sy’n seiliedig yng Nghymru, neu hyd yn oed symud yn ôl i Gymru eu hunain, pan fydd gan Gymru lywodraeth sy’n llai gelyniaethus i fenter breifat.

Mae’r polisi hwn yn wahanol iawn i’r polisi Buddsoddiad Mewnol a ddilynwyd gan lywodraethau olynol dros 40 mlynedd, sydd wedi cynnig grantiau i fusnesau tramor i sefydlu swyddi sgil isel, cyflog isel yng Nghymru. Yn aml, pan ddaw anawsterau, Cymru yw’r lle cyntaf i weld toriadau o’r fath fusnesau.

Ymhlith polisïau trawiadol eraill i gefnogi busnesau mae:

• rhoi stop ar gymorthdaliadau i Faes Awyr Caerdydd, a blaenoriaethu cysylltiadau trafnidiaeth o fewn Cymru dros lwybrau trawsffiniol fel yr M4 i’r dwyrain o Gasnewydd

• dod â’r arfer o droi tir ffermio Cymreig yn ffermydd gwynt, ffermydd solar neu goedwigoedd gwrthbwyso carbon i ben, a thrin pob safle presennol fel menter fasnachol sy’n destun ardrethi busnes llawn. Ar yr un pryd, lacio’r rheoliadau ymyrrol sy’n effeithio ar ffermwyr megis y ‘Parth Bregus i Nitrogen’ (NVZ) sy’n cwmpasu Cymru gyfan a’r rheoliadau newydd ar waredu dip defaid

• rhoi blaenoriaeth frys i adfywio trefol: ymgyrchu i ddiddymu TAW ar adnewyddu adeiladau presennol a symleiddio’r broses caniatâd cynllunio

Cyhoeddodd Gwlad hefyd bolisïau radical newydd ar iechyd, twristiaeth ac ar ddymchwel diwylliant cronyiaeth, neu’r “crachach”, yng Nghymru – lle mae’r boneddigion â ffrindiau mewn llefydd dylanwadol yn symud o un swydd dda â chyflog uchel i’r llall ar draul y trethdalwr

Mae llawer mwy hefyd

Felly mae digon i’w ddarllen – ac mae llawer o’r dull yma’n wahanol iawn i’r hyn a gynigir gan y pleidiau eraill yng Nghymru

Lawrlwythwch gopi o’n Maniffesto 2026 yma, a dywedwch wrth eich ffrindiau amdanom ni